BUTUAN CITY – Nagpagawas og bag-ong dokumento si Batangas 1st District Rep. Leandro Leviste kagahapong adalwa Huwebes, Disyembre 25 nga gikan kang anhing Public Works Undersecretary Maria Catalina Cabral, diin nagpakita sa detalyadong alokasyon sa Department of Public Works and Highways kon DPWH sa matag-distrito, probinsya ug rehiyon gikan 2023 hangtod 2026.
Gipublisar ni Leviste ang kapin sa 60 ka screenshots sa iyang Facebook page nga nagpakita sa alokasyon nga molapas sa P3.5 trilyon bugti sa P130,000 mata- pamilya Pilipino.
Base sa datos nga gi-aprobahan ni DPWH Secretary Vince Dizon, gipakita nga ang labing dako nga alokasyon sa rehiyonal nga lebel mao ang Region III o Central Luzon nga adunay P406.927 bilyon, gisundan sa Region IV-A o CALABARZON kon Cavite, Laguna, Batangas, Rizal ug Quezon nga adunay P341.876 bilyon ug Region V o Bicol Region nga adunay P272.366 bilyon, samtang ang National Capital Region nakadawat og P231.412 bilyon.
Giklaro usab ni Leviste, nga ang iyang gipagawas naglakip usab sa proposed 2026 national budget ug kini mahimong ma-usab depende sa bersyon nga aprobahan sa Senado ug bicameral conference committee.
