BUTUAN CITY- Gitudlo sa duha ka gipa-atubang nga “testigo” sa Senate Blue Ribbon Committee hearing kagahapong adlwa Lunes, Enero 19 si Curlee Discaya nga contractor sa ilang naka-estorya ug ming-ingon matud pa nga si kanhi House Speaker Martin Romualdez na ang bag-ong nanag-iya sa ilang gipuy-an sa No. 30 Tamarind Street sa South Forbes Park, Makati City.
Gihangyo usab ni Discaya si Senate President Pro Tempore Panfilo “Ping” Lacson, ang chairman sa komite, nga tanggalon ang face mask samga gipa-atubang nga testigo tungod wala matud pa kini nakadum-dumon nga nahimatat niini ang duha o nakatransaksiyon niya ang mga niini.
Giklaro ni Discaya, nga wala kini sukad nakasulod sa Forbes Park. Giklaro usab ni Prosecutor-General Atty. Richard Anthony Fadullon nga sa pagtino adunay hustong oportunidad alang kang Discaya sa pag-ila sa identidad sa mga saksi.
Kahinumdumang, mingtumaw ang alegasyon nga nagserbisyo matud pa si Discaya isip front kang Romualdez sa daw pagpalit sa high-end real-estate property sa Makati City.
Apan, una na kining gilimod ni Discaya ug giklaro nga usahalay lang matud pa niya makit-an ang kanhi House Speaker sa usa ka public event ug wala niini sukad naka-estorya.
Gikasubo usab ni Discaya ang paggamit sa iyang pangalan aron ilambigit ang pangalan sa kanhi House Speaker sa kontrobersiya sa flood control scandal.
