BUTUAN CITY – Gipadayag ni United States President Donald Trump nga sunod sa iyang agenda ang Cuba human sa Iran dayong butyag nga hapit na mapukan ang communist-run island, nga naparalisar tungod sa energy blockade nga gipatuman sa Amerika.
Nasayrang sukad pa niadtong Enero 9, wala na makadawat ang Cuban state ug oil shipment, nga nakapugos sa mga airlines pagsuspende sa mga biyahe paingon sa isla ug nakapagrabe pa sa dugay nang krisis sa ilang ekonomiya rason nga gi-akusahan siya sa Cuba nga gusto ipitin ang ekonomiya sa isla.
Sigon ni Trump, desperado na ang Cuban government nga makab-ot og kasabotan tali kanila dayong pasabot nga si US Secretary of State Marco Rubio ang mahimong “point man” niya sa Cuba.
Nasayrang sila Trump ug Rubio, pareho nga anak sa Cuban immigrants, kansa dayag sa ilang tinguha nga mapulihan ang rehimen sa Cuba human sa ilang pagdakop sa kontra sa US sa Caribbean nga si Venezuelan President Nicolas Maduro.
