BUTUAN CITY – Padayong nag-hangyu ang City Transportation and Traffic management Division kon CTTMD ning siyudad sa Butuan sa tanang mga nagbiyahe nga kolurom ang sakyanan nga ipa-legitimize na ang ilang pagbiyahe.
Sigon ni Jane Baker, head sa Traffic management Division sa CTTMD nga kung kini ang ilang tinubdan sa ilang panginabuhi, kinahanglang himoon kini nga lehitimo aron magdagan sa kadalanan nga walay kukahadlok.
Gilatag usab sa opisyal ang pamaagi aron mahimong lehitimo nga ilang pagbiyahe. Kini mao ang pagdool sa mga lehitimo nga kooperatiba ug kini na ang magbutang kanila kung asa sila magdagan nga rota.
Una nang gipasabot sa opisyal ang pamaagi sa pag-isyu og citation ticket sa mga dunay kalapasan sa balaod trapiko nga mga namasahero. Sigon ni Baker nga una niini ang pagpaila ug pagpasabot nga duna siyay violation.
Dinhe na usab pangayoan kini sa iyang drivers license aron lang maseguro ang ngalan nga ibutang sa ticket apan kung dili mohatag sa lisensiya, dinhe na pwede nga e-impound ang iyang sakyanan. Gipasabot usab niini ang mga rason nganung ma-impound ang sakyanan.
