BUTUAN CITY – Naka-produce na usab ang Caraga State University og 4 ka mga topnotchers sa Licensure Examination for Teachers (LET) 2025 nga gipagawas sa Philippine Regulatory Commission kagahapong adlawa, Huwebes.
Sa kinatibuk-an, 326 ka golden paddlers sa maong unibersidad ang nakapasar nga gilangkuban sa 89 gikan sa elementary level ug 237 gikan sa secondary level.
Sa secondary, 211 ang gikan sa Main Campus (89.79% passing rate) ug 26 gikan sa Cabadbaran Campus (92.86% passing rate).
Usa niini sila Vina P. Ladao ug Ms. Christine Joy Sarno nga parehong anaa sa ika‑9 nga pwesto sa elementary human nakakuha og 92.40% nga passing rate, ug Shaira Divine A. Ytac nga ika‑10 (92.20%), samtang si Jasferjay M. Samoya anaa sa ika‑8 (93.40%) sa secondary level.
Ang tanang first‑time takers sa elementary level nakapasar.
