-- ADVERTISEMENT --
BUTUAN CITY – Mukabat sa ₱13,600.00 nga kantidad sa gidudahang shabu ang nakumpiska sa gilusad nga drug buy-bust operation kaganinang alas-12:56 sa kaadlawon sa mga sakop sa Butuan City Police Station 5 ug Philippine Drug Enforcement Agency kon PDEA-Caraga sa Purok 1, Barangay Amparo ning siyudad sa Butuan.
Gumikan kini sa nakumpiskang dos-gramos nga suspected shabu gikan sa gi-identify nga high value individual nga si alyas Memion, 27-anyos, duna’y ka-ipon ug residente sa Purok-8 Brgy. Luna, Surigao City.
Nasayran nga ang suspetsado kinsa usa ka construction worker, nakuhaan usab og usa ka keypad cellphone, cash balor ₱126.00 ug usa ka lighter.
