BUTUAN CITY – Hugot ang bahad ni Senador Panfilo ‘Ping’ Lacson batok sa mga nagplano nga mutabon o mag-cover up sa nagpadayong imbestigasyon sa mga flood control projects tungod kay makapadugang matud pa kini sa kasuko sa katawhan ilabina nga nagsunod ang tanan sa gihimong mga pagdungog sa duha ka balay bala-uranan sa Kongreso.
Sa iyang gipatawag nga press confernce, nagbahad si Lacson nga kinahanglang pugngan sa gobyerno ang bisan unsa mang himuong cover-up kay kini mahimo ra unyang hinungdan sa mas grabe nga kagubot.
Kini ilabina nga nasayod na ang tanan sa mga nahitabong protesta sa ubang mga nasud sama sa Indonesia, Nepal, ug France kansa mitumaw tungod sa kawalay klarong aksyon sa gobyerno.
Hinuon gipadayag sa senador nga misalig siya sa sinseridad ug political will ni Pangulong Ferdinand Marcos Jr. sa pagpadayon sa imbestigasyon ug pagsilot sa mga responsableng opisyal sa Department of Public Works and Highways kon DPWH, mga contractors, ug pipila ka magbabalaod sa posibleng kakunsabo aron makakwarta gikan sa flood control budget.
