BUTUAN CITY – Andam nga mo testigo ang Criminal Investigation and Detection Group (CIDG) sa impeachment trial ni Vice President Sara Duterte ugaling imbitahan sila sa Senado, kini ang gikataho ni Police Major General Nicolas Torre III, ang hepe sa CIDG.
Unang nang gikumperma ni Torre, kanhi director sa Police Regional Office 11 (Davao Region), nga mosunod siya sa sugo sa Department of Justice (DOJ) ingon man sa prosecution panel nga hawiran ang maong kaso.
Sumala ni Torre nga kasagaran matud pang ginahimo ang mga imbistigasyon kontra kang Vice President Sara nga magka-uban ang National Bureau of Investigation (NBI) ingon man ang CIDG ilawom sa pagdumala sa DOJ.
Ang maong pamahayag ni Torre nga pwede siyang himoong tistigo batok sa bise Presidente, kay sunod lang sa pagsang-at niini og reklamo batok kang kanhi Pangulo Rodrigo Duterte niadtung nakalabayng semana tungod sa kontrobersyal niining ”kill” message batok sa kasamtangan nga mga Senador arun matud pa makasulod ang iyahang mga senatorial bets.
Kahinumduman usab nga aprubado na sa Kongreso ang Impeachement ni Vice President Sara Duterte niadtung Pebrero 5, diin kapin sa 200 ka mga mambabalaod ang nag-duso niini sa Senado.
