BUTUAN CITY– Gi-highlight sa Law Expert nga si Atty. Orly Vicente Montalban ang klaro nga basehan sa International Criminal Court kon ICC sa ilang kaso batok kang kanhi Presidente Rodrigo Roa Duterte, diin giingon nga violation kini sa Article 7, Paragraph 1A sa Rome Statute nga naglakip sa Crimes Against Humanity.
Sumala pa ni Atty. Montalban, nga gi-definir sa maong probisyon ang murder isip usa ka krimen nga mahitabo kung kini kabahin sa usa ka lapad ug sistematikong atake batok sa civilian population.
Gipunto usab niini, nga medyo kwestyonable ang interpretasyon sa ICC diin ilang giangkon nga ang mga aksyon sa kanhi Presidente mao na matud pa ang widespread o systematic attack, bisan pa nga alang sa mga Pilipino, klaro nga dili kini atake batok sa civilian population kondili atake batok sa mga kriminal.
Dugang pa ni Atty. Montalban, nga drug war nahimong national policy tungod sa mingkuyanap nga problema sa iligal nga druga, diin sumala sa ICC nga daghang kamatay ang nalakip sa extrajudicial killings ug executions kansa dili matud isolated incidents kondili kabahin sa sistematikong polisiya sa kapintas.
Gipunting usab niini, ang Article 25, Paragraph 3A kansa nagpasabot nga si Duterte personal nga responsable pinaagi sa indirect co-perpetration o kriminal nga responsable sa mga murder nga gihimo sa Philippine National Police kon PNP ug law enforcement agencies. Gani, base usab sa Article 25, Paragraph 3B, liable kini sa pagdasig sa uban sa pagbuhat og krimen, ingon man ang Article 25, Paragraph 3C, nga nakahatag og praktikal nga tabang o encouragement nga nakatampo sa mga krimen.
Apan, matud pa ni Montalban, sa legal nga perspektibo dili kini pasok sa international law tungod kay ang maong mga krimen nagkinahanglan og klarong ebidensya sa usa ka widespread o systematic attack batok sa civilian population, diin kinahanglang mapamatud-an nga resulta sa state policy sa national campaign against illegal drugs.
