BUTUAN CITY -Mi-abot na sa 25 ang natalang suspect cases sa COVID-19 dinhi sa Caraga Region base na sa gipagawas nga situational report no. 71 sa Department of Health-Center for Health and Development kon DOH-CHD Caraga.
Pinakadaghan niini natala dinhi sa Butuan nga mi-abot sa 13 samtang mitala og tulo ang lalawigan sa Agusan del Nore samtang tag-duha usab sa Bayugan City sa lalawigan sa Agusan del Sur ug Tandag City sa Surigao del Sur.
Mitala usab og tag-usa ang mga lalawigan sa Agusan del Sur, Surigao del Nore ug Sur ug ang Bislig City sa Surigao del Sur.
Padayon ang pakig-alayon sa maong buhatan ngadto sa Southern Philippines Medical Center sa Davao City alang sa specimen testing samtang padayon ang activation sa ilang Operation Center alang sa istriktong monitoring sa mga Persons Under Monitoring kon PUMs uban sa pakig-alayon usab sa mga local government units.
