BUTUAN CITY – Nadugangan og 22 ka kaso sa Covid-19 ang Caraga Region.
Sa nahimong bress briefing karun lang, gikumpirma ni Dr. Jose Llacuna Jr, Regional Director sa Department of Health kon DOH-Caraga nga nadawat nila ang 152 ka resulta sa RT-PCR results sa swab samples nga gikan sa Southern Philippines Medical Center kon SPMC diin sa maong ihap 120 ang negatibo samtang 32 ang positibe sa nasangpit nga virus.
Sa 32 ka positibo, 10 niini ang follow-up test ug 22 ang bag-ong confirmed cases. Rasong misaka na sa 138 ang kaso sa Covid-19 sa rehiyon.
Sa 22 ka mga bag-ong kaso, 12 niini ang babaye og 10 ang lalaki diin ang pangedaron anaa sa 20-anyos ngadto sa 30-anyos.
Sa bag-ong mga kaso, 6 gikan sa Agusan Del Norte; duha sa Buenavista, duha sa Nasipit, Duha sa Carmen og Usa sa Sibagat; lima sa Agusan Del Sur nga gikan sa Loreto usa, Prosperidad 2, 1 Sibagat og Usa sa Esperanza; Upat sa Surigao Del Norte; Usa sa Alegria, Usa sa Del Carmen ug Usa sa Tubod; Tulo sa Surigao Del Sur; Duha sa Carmen og Usa sa Lingig; Usa gikan sa Butuan City; Duha sa Cabadbaran City ug Usa sa Bislig City.
Sa mga bag-ong kaso, 20 ang asymptomatic kon wala nagpakita og simtomas samtang duha ang nakasinati og mild symptoms diin ang tanan anaa na sa mga quarantine o isolation facilities sa nagkadaiyang mga Local Government Units kon LGUs.
Gikumpirma usab ni Dr. Llacuna nga sa 22 ka mga bag-ong kaso sa Covid-19, 18 ang Locally Stranded Individuals kon LSIs, Duha ang Returning Overseas Filipinos kon ROFs, Usa ang dunay travel History sa Metro Manila og usa ang Health Worker.
