BUTUAN CITY – Misaka karon og dul-an sa 200-porsiento ang kaso sa COVID-19 dinhi sa siyudad karong bulana lang kumpara niadtong Disyembre ning mi-aging tuig kansa makonsidera nang tungod sa holiday surge.
Sigon ni Butuan City government spokesperson Michiko de Jesus sa eksklusibong pakighinabi sa Bombo Radyo Butuan, apil sa nakitang hinungdan niini ang panagtapok sa matag-pamilya niadtong holiday season gikan sa pagsa-ulog sa Pasko ngadto na sa pagsugat sa bag-ong tuig.
Madumdumang ning mi-aging buwan, gibantayan nila ang holiday surge kansa maoy hinungdan sa pagsaka karon sa kaso gawas pa sa pagka-kampante sa mga tawo kinsa mu-adto gihapon sa trabaho taliwa nga duna na’y mga simtomas sa makamatay nga sakit.
Kini angayang timan-an sa tanan nga responsibilidad sa tanan ang pagsunod sa mga minimum health protocols uban sa perming paggiya sa mga barangay officials.
Usa pa niini ang paglu-ag sa mga barangay officials sa protocols illabina sa ilang mga lugar nga katapukan sa mga tawo.
Gihingusgan usab karon sa city government ang ilang mga lakang aron pagsanta sa pagtaas sa COVID-19 cases sama sa pagpatuman nila sasearch capacity plan uban sa tabang sa Regional IATF.
Anaa pa ang pagdugang sa mga pasilidad aron kabutangan sa mga bag-ong kaso, pagpahugot sa implementasyon sa monitoring sa mga crowded places samtang sa city hall gilusad nila ang ‘Pamilya Ko, Tudluan Ko’ aron itudlo sa matag-nila ka pamilya ang kamatu-uran kalabot sa COVID-19.
