BUTUAN CITY – Nakuha sa coup leader sa Myanmar ang kada-ugan sa parliamentary vote aron mahimong presidente kansa maoy magpormalisa sa iyang pagkupot og political power sa gubot nga nasud, lima ka tuig human niya napalagpot ang ilang mga opisyales.
Midaug si Senior General Min Aung Hlaing human nakuha ang 429 sa 584 ka mga boto sa mga membro sa parliamento human sa gihimong botohay sa pro-military parliament kaganina, base na sa pagkumpirma ni Aung Lin Dwe, ang tigpamaba sa parliament, human gi-usa ang upper ug lower house.
Madumdumang ang 69-anyos nga heneral mao ang nagpasi-ugda sa 2021 coup batuk sa administrasyon ni Nobel Peace Prize winner Aung San Suu Kyi kinsa iyang gi-aresto hinungdan sa lapad nga mga protesta nga nagbilin og tibuok nasud nga armadong pakigbisog batuk sa military leadership.
Ang transition gikan sa top general ngadto sa civilian president misunod sa gihimong eleksyon niadtong Disyembre ug Enero nga miresulta sa landslide victory.
Ang pro-military Union Solidarity and Development Party midaog og kapin sa 80 porsiento sa parliamentary seats nga gi-ilugan sa eleksyon samtang ang nagserbisyong mga membro sa armadong kusog maoy nag-ukupa sa wala mapiling mga lingkuranan nga mi-abot sa quarter sa kinatibuk-an.
