BUTUAN CITY – Nagka-init karon ang tensyon sulod sa Senado human nga pipila ka mga sources ang nagbutyag nga mitumaw karon ang leadership coup ug gikatakdang hulipan si Senate President Francis “Chiz” Escudero.
Una nang gi-angkon ni Escudero ang maong hungihong dayong pamugos nga magpabilin kining tsika hangtud nga dili pa magdesisyon ang mayoriya sa ilang mga membro.
Ang kagubot sa pulitika mitumaw tungod sa gika-ingong lapad nga kurapsyon sa mga flood control projects, nga nakapasuko sa publiko ug nagpa-init pa sa pagsaway sa congressional leadership.
Gika-ingong duna’y igong suporta si Senator Vicente “Tito” Sotto III aron subling makuha ang Senate presidency.
Ang tsikang kudeta gikutay ngadto sa mga flood control scandal, nga mihabol tali sa Senado ug sa House of Representatives nga sigon sa mga kritiko, wala ma-contain nila Escudero and House Speaker Martin Romualdez.
Apil sa pangalang mitumaw aron mahimong sunod nga Senate President mao si Alan Peter Cayetano.
