BUTUAN CITY – Nagbahad si Pangulong Rodrigo Duterte nga andam siyang subling magdeklara og martial law kung imando sa Korte Suprema nga i-atras na niini ang gideklarang balaud-militar sa Mindanao.
Kini ang bahad sa pangulo sa iyang pag-atubang sa mga Butuanons niadtong Sabado human mitambong sa 50th founding anniversary sa lalawigan sa Agusan del Norte human ang halos usa ka semanang pagpahulay.
Gibutyag sa pangulo nga andam niyang i-atras ang martial law sa Mindanao kung imando kini sa Korte Suprema.
Apan iyang giklaro nga higayong mugawas sa Mindanao ang kagubot nga gisabwag sa teroristang grupong Maute, mapugos siyang subli nga magdeklara na usab og martial law og ning higayuna, wala na siya’y himuong konsultasyon sa ubang ahensya sa gobyerno aron lang mapreserba ang atong nasud.
Wala na usa’y makabuot kaniya kung kanus-a niya kini tapuson nga posibleng masusama pa sa martial law ni kanhi Pangulong Ferdinand Marcos. (Beth Ruiz)
