BUTUAN CITY – Gitun-an na sa pamunuan sa Light Rail Transit Authority (LRTA) ang pagpasaka og kaso kontra sa usa ka content creator, kini human sa gihimo niiining content sa social media asa nag latag kini og lamisa sulod mismo sa train alang sa gitawag niining “random date challenge”.
Kini may kalabutan na sa ning kuyanap nga video challenge sa uploader nga si @TrionKwento ang kalit nga pagbutnang og lamesa sulod sa tren, nga adunay duha ka baso, kandila, ug duha ka biskwit sa lamesa nga giandam sa usa ka lalaki nga kauban niini kansa nag ala-waiter pa.
Sumala ni LRTA Administrator Hernando Cabrera nga wala matud pay clearnace ang maong content creator ug dili nila kini gina konsinte.
Dugang pa niini nga ang mga folding table, puti nga tela ug baso kay mamahimo pang makapabutang sa mga pasahero sa piligro, tungod kkay mamahimo kining mo lipad og manga-igo sa mga pasahero ugaling mag emergency brake ang train.
gibawal usab sa mga train ang pagkaon. Alayon niini, naabisuhan na usab ang mga gwardya nga sitahon ang mga tawong mohimo og susamang binuang.
Giklaro usab ni Cabrera nga wala nila ginabawalan ang mga content creators nga mo himo sa ilahang gusto, basta lang kay naa kini sa insaktung lugar.
