BUTUAN CITY – Brutal ang kamatayon sa usa ka construction worker human kini na ipit sulod sa concrete mixer samtang nag hinlo ning nakalabayng adlaw bandang alas 2:40 ang takna sa hapon sa may Brgy 12, Cabadbaran, Agusn del NOrte.
Naila ang biktima nag si Romulo Baldonado, 40 anyos, lalaki, dunay ka live in partner, labor sa GWG North Road Construction kansa lumolupyo sa purok 4, Brgy. Tolosa ning syudad.
Subay sa imbestigasyon sa kapulisan, naghinlo matud pa ang suspek og ang biktima sa concrete waste material sa transit mixer bucket sa Howo V7X, dunay plate number N1V203 nga gipanag-iyahan sa GWG North Road Construction. Gipahimangnoan na matud pa sa suspek ang biktima nga iyang paandarun ang maong equipment.
Apan wala pa nakagawas ang biktima samtang nituyok na ang transit mixer bucket. Misulay og gawas ang biktima sulod sa mixer buket truck apan pakyas kini nakagawas maoy hinungdan nga nadasok kini resulta sa iyang hinanaling kamatayon. Giila usab ang suspek nga usa ka Juny Mendoza Pagao, 26 years old, lalaki, single, labor og residente sa Purok 9, Barangay Tolosa, Cabadbaran City.
Nahitabo ang maong insidente sa may GWG North Road Co. Motor pool nahimutang sa may Purok 5, Barangay 12, Cabadbaran City, Agusan del Norte. Gidala pa ang maong biktima sa sa Cabadbaran District Hospital apan gideklara kining dead on arrival sa attending physician. Sa kasamtangan, anaa na ang suspek sa Cabadbaran PNP Station alang sa tukma nga dipsosasyon.
