BUTUAN CITY – Nangandam na ang grupo sa mga abogado sa Pilipinas sa ilahang himoong pagsang-at sa og mga reklamo sa Korte Suprema mahitungod sa constitutionality sa gihimomng pagpa-impeach sa mga kongresista ni Vice President Sara Duterte.
Sumala sa usa sa mga legal expert ning dakbayan sa Butuan nga si Atty. Hillary Olga Reserva nga daghan matud pa sa mga legal minds sa Pilipinas ang ning-kwestyon sa constitutionality sa gihimo sa House of Representatives sa pagpa impeach kang Vice President Sara Duterte.
Pasabot sa abogado nga dili matud pa dinhi issue kung ma impeach ba o dili ang Bise Presidente, kundili, kung legal ba o dili ang gihimong proseso sa mga magbabalaod sa nasnagpit nga lakang.
Sumala niini nga taliwala pa man sa political nature sa impeachment, nagpagawas na matud pa og desisyon ang korte suprema mahitungod niini, diin nagbutyag nga dili matud pa niini balewalaon ang constitutionality sa proseso alang sa pagpalagpot og opisyal sa pangamhanan.
Pangutana pa sa abogado nga kung sakto ang gihimong proseso sa mga kongresista, dili untana ingon niini ka paspas ang dagan sa maong impeachment. Subay niini, gipasabot usab ni Atty. Reserva nga dili mahimong mo aksyon na ang mga kongresista sa usa lamang kapamilok bisan kon wala pa gani nakunsolta ang ilang mga kunstituwente.
Subay niini nga daghan matud pang mga kwestionable ug irregular nga constitutionality nga nahimo sa mga mambabalaod sa pagpa impeach kang Vice Presidente Sara Duterte.
