BUTUAN CITY – Mi-abot sa 8 ka mga kongresista dinhe sa rehiyon sa Caraga ang mipirma pabor sa pagpa-impeach kang Besi Presidente Sara Duterte. Kini mao sila Robert Ace Barbers sa Surigao del Norte (2nd District); Romeo Momo sa Surigao del Sur (1st District); Francisco Jose Matugas II sa Surigao del Norte (1st District); Alan Ecleo sa Dinagat Island; Alfelito Bascug sa Agusan del Sur (1st District); Jose S. Aquino II sa Agusan del Norte (1st District) Butuan City ug Las Nieves; Johnny Pimentel sa Surigao del Sur (2nd District); ug si Adolph Edward Plaza sa Agusan del Sur (2nd District).
Bugtong si 2nd District Agusan del Norte Congressman Dale Corvera lamang ang wala mipirma sa pagpa-impeach ni Vice President Sara Duterte.
Nasayrang mi-abot sa 215 ang katibuk-ang ihap sa mibotar nga mga kongresista alang sa impeachment ni Vice President Sara Duterte gikan sa ihap sa mga magbabalaod nga 318.
Nagpasabot lang kini nga nalabwan pa sa kamara ang target nilang ihap nga 102 lang o one third aron maka-abante ang reklamong impeachment.
