BUTUAN CITY – Hugot nga gipanghimakak ni Surigao del Norte 2nd District Representative ug House Quad Committee Chairperson Robert Ace Barbers ang mga alegasyon sa iyahang pamilya nga may kalambigitan sa illegal nga negosyo ingon man sa drugas.
Sumala sa kongresista sa gipahigayon niining Press Conference kagahapong adlawa nga “Fake News” lang kon walay kamatuoran ang maong mga nanggawas nga balita.
Una nang nakutay ang pangalan ni Barbers sa na intercept nga drugas sa Liloan port ning nakalabayng semana, diin nakuha gikan sa usa ka SUV ang 57 ka mga teabags sa shabu nga mitimbang sa 57-kilos ug mikantidad og ₱387-milyunes ug 600-mil. Subay sa mga dili beripikadong balita nga nanggawas, iya matud pa sa igsoon ni Barbers ang nasangpit nga SUV.
Sumala sa kongresista sa pamahayag niya kagahapong adlawa nga dakong bakak lamang ang maong mga balita kansa gipakuyanap lamang matud pa sa mga kalaban niya sa Politika.
Hagit niini sa mga nagakatag sa nasangpit nga mga hungihong nga ila kining pamatud-an, arun iyang ihatag ang maong SUV ngadto sa makaproweba nga igsoon niini niya ang tag-iya sa maong sakyanan.
Ang pamahayag ni Surigao del Norte 2nd District Representative ug House Quad Committee Chairperson Robert Ace Barbers.
