BUTUAN CITY – Gikakurat sa mga netizens ang gihimo sa national director sa Miss Universe Democratic Republic of Congo nga si Anado Kabika, tungod sa suot niyang gown nga gima sa mga condoms.
Ang iyang pinasahing gown, iyang gisuot atol sa coronation night sa Miss Universe 2024 sa Mexico ning nakalabayng adlaw, kansa iya matud pang gituyo aron makuha ang atensyon sa mga tawo kalabot sa “Sexual Health Awareness and Social Responsibility.”
Sigon ni Kabika, kinahanglang protektahan sa katawhan ang ilang kaugalingon pinaagi sa paggamit og condom panahon sa pakighilawas kansa suportado sa mga netizens aron malikayan ang mga sakit nga makuha diha sa pakighilawas.
Gibutyag ni Kabika nga gisagol na niya ang mga ginamit ug wala pa magamit nga condoms sa pagmugna niini nga gown.
