BUTUAN CITY – Subling gipalig-on sa Pilipinas ingon man sa Estadus Unidos ang commitment niini sa usag-usa alang sa mutual defense treaty.
Kini taliwala pa man sa nagpadayon nga tensyon sa West Philippine Sea tungod sa kasamtangan nga mga agrisibong aksyon sa China ngadto sa mga barko sa Pilipinas.
Alayon niini, subling gihatagan og pagtagad sa America ang posisyon niini sa West Philippine Sea pinaagi sa pakgpulong ni US Defense Secretary Lloyd Austin kang Department of National Defense Sec. Gilberto Teodoro Jr. sa 21st International Institute for Strategic Studies Shangri-La Dialogue niadtung Hunyo 1, 2024.
Sa maong panagpulong, gikundina sa US Defense official ang mga pagpangaharass sa China nganhi sa Pilipinas ilabi na sa West Philippine Sea.
