BUTUAN CITY – Gi-require na sa Commission on Election kon COMELEC ngadto sa mga kandidato sa umalabot nga election nga maghatag og report sa ilang mga nagamit nga campaign materials gawas pa sa ilang Contributions and Expenditures kon SOCE.
Sumala sa COMELEC, kinahanglang ma-highlight sa maong report ang paggamit sa environmentally sustainable nga mga campaign materials kondiin mahimong maka-file usab sa maong report ang si bisan kinsa mang nagdonar og mga campaign materiales pinaagi sa pagsubmite niini sa email, o kaha sa mismong buhatan sa COMELEC.
Ilawom sa maong resolusyon, giklaro sa ahensya nga mahimong gukdon sa otoridad ang mga nakalapas sa environmental practices atul sa campaign period. Una nang gipasabot sa komisyon ang kamahinungdanon sa pagprotekta sa kinaiyahan atul sa kampanya, rason nga kinahanglan matud pang tangtangon ang mga wala mingsunod sa maong lagda.
Kauban sa COMELEC nga magpatuman niini ang Department of Environment and Natural Resources kon DENR, Department of the Interior and Local Government kon DILG, National Solid Waste Management Commission, Department of Public Works and Highways kon DPWH ingon man ang Bureau of Fire Protection.
