BUTUAN CITY – Nagpahayag si Commission on Elections (Comelec) George Erwin Garcia nga mahimong mograbe ang vote-buying sa umaabot nga Eleksyon 2025 nga kinahanglang bantayan.
Sa nakita sa Comelec, posibleng dili moagi sa mga payment platform ang nasangpit nga aktibidad ug tungod kay nasayud ang mga mopalit og boto nga gibantayan kini rasong lauman ang mas personal nga paghatag sa bayad bugti sa pagboto.
Aron mabatukan ang pinalitay sa boto ug uban pang paglapas sa mga patakaran sa eleksyon, dunay pagpangandam ang Comelec pinaagi sa pakigsabot sa National Bureau of Investigation.
Bag-ohay lang usa ka memorandum of agreement ang gipirmahan tali sa Comelec ug ni NBI Director Ret. Judge Jaime Santiago para mabantayan ang piniliay sa 2025. Wala gibulgar sa NBI ang ilang mga lakang alang sa himoong pagbantay.
