BUTUAN CITY – Ugmang adlawa na ang final testing and sealing sa Commission on Elections kon COMELEC Caraga, human nga nahatod na niadtung Mayo tres, ang mga Automated Counting Machines o ACMs sa mga nagkalain-laing probinsya sa rehiyon.
Sumala ni Commission on Elections kon COMELEC-Caraga Assistant Regional Director Atty. Geraldine Samson, nahimo na nila niadtung Abril 30 ngadto sa Mayo 3 ang ang verification process sa mga balota, kondiin gisilib nila ang portion lamang sa kahon sa maong mga balota kung alang ba gayud kini sa mga hingtungdang munisipalidad.
Pasabot sa opisyal nga gidili nang ablihan ang tibook kahon sa balota tungod kay usa kini ka election offense ug mamahimo lamang kining ablihan sa panahon na sa election.
Ugmang adlawa, himuon ang final testing and sealing sa mga Automated Counting Machines sa mga probinsya sa Surigao del Norte ug Agusan del Norte samtang sa Mayo 7 usab, ang sa Surigao del Sur, Agusan del Sur ug Dinagat Islands Province.
