BUTUAN CITY – Nagpagawas og waiver si Comelec Chairman George Erwin Garcia isip paghatag og katungod sa mga imbestigador nga imbistigahan ang iyahang bank records.
Kini huamn gikabutyag ni Sagip party-list Rep. Rodante Marcoleta nf dili matud pa moubos sa P1 bilyon ang gitransfer gikan sa mga bangko, lakip na ang mga nakabase sa South Korea, paingon sa 49 offshore accounts nga na link sa usa sa mga opisyal sa Comelec.
Sumala ni Garcia sa exclusive interview sa Bombo Radyo, gi-waive matud pa niini ang iyahang bank secrecy arun dili lang mahugawan ang reputasyon sa Comelec, ug arun usab mapamatud-ang limpyo ang iyahang record ug wala siyay gitaguang katiwalian.
Gawas niini, giduol na usab ni Garcia sa National Bureau of Investigation (NBI) ang nasangpit nga isyu, diin nag link matud pa sa 49 ka mga bank accounts kansa gipagawas ni Marcoleta.
Gusto usab matud pa niining masayran kung kang kinsa ang mga bank details ug kung nag exist ba gayud kini.
“Inilapit natin sa NBI para masiyasat na yung mga bank accounts, kung saakin ba nakapangalan ‘yun o kung umiiral ba talaga ‘yun. Dahil nais nating matuldukan ang fake news.”
Comelec Chairman George Erwin Garcia
Sa kasamtangan, nag laum nalang ang lider sa poll body nga mogawas ang kamatuoran arun matud pa masuta kung kinsa ang anaa sa likod sa nasangpit nga fake news o misinformation kontra sa Comelec.
