BUTUAN CITY – Ubay-ubay nga mga illegal campaign posters ang nakuha sa Commission on Election kon COMELEC-Caraga kagahapong adlawa atul sa gihimong nationwide Oplan Baklas sa mga illegally placed posters ning dakbayan sa Butuan, dungan usab sa pag sugod sa campaign period sa mga managan isip opisyal lokal nga pangamhanan.
Sumala ni Atty. Geraldine Samson, ang Assistant Regional Election Director sa COMELEC-Caraga nga taliwala pa man sa kadaghan sa ilahang nabaklas nga mga illegal nga campaign posters ning dakbayan, duna pa gihapon silay mga nasinatiang pagsulay sama nalang sa pagbaklas niadtung mga anaa sa pribadong lugar.
Sa kasamtangan, kamulo pa ang ilahang pag-ihap sa maong mga nakuha nga mga illegal nga posters arun mapadangat kini sa ilahang buhatan sa kaulohan.
Sumala pa sa opisyal nga ang maong mga nakuhang posters, gihipusan una sa ilahang partner nga buhatan sa DENR kon sa Department of Environment and Natural Resources ug mamahimo lamang kining ipagawas kung duna nay kamanduan sa sentrong buhatan sa COMELEC. Subay niini, giawhag nalang sa COMELEC ang mga kandidato nga magpa lecture sa kung unsa ang angayan nga himoon isip kandidato.
Ang pamahayag ni Atty. Geraldine Samson, ang Assistant Regional Election Director sa COMELEC-Caraga sa eksklusibong pakighinabi ning sibyahan.
