BUTUAN CITY – Aduna na’y contingency plan ang Commission on Election kon COMELEC alang ning adlawa kansa mao na ang katapusang adlaw sa filing sa Certificate of Candidacy kon COC niadtong gustong magpapili sa 2025 midterm elections.
Kahibaloan nga dinhi sa dakbayan sa Butuan, gikan sa una ngadto sa ika-pitong adlaw sa filing sa COC sukad niadtung Oktubre 1, mingaw ang filing venue rason nga lauman nga karong adlawa na mangdugok ang mga gustong mag-file sa ilang COC. Apan sumala ni Atty. Geraldine Samson, ang Assistant Regional Director ug spokesperson sa COMELEC-Carga nga walay angay kabalak-an ang tanan tungod kay andam na sila sa pagdugok sa ang ilahang ahensya sa nasangpit nga sitwasyon.
Sumala niini nga ugaling daghan pa ang anaa sa ilahang mga buhatan pagka alas-singko na sa hapon, kansa mao ang cut-off sa filing, magpadayon gihapon ang ilahang pag dawat niadtung mga anaa sa sulod sa premises sa, kinahanglan lamang matud pa nga ilista ang ilahang mga pangalan ug kinahanglan lamang ibutang sa listahan ang actual time stamp pag dawat nila sa ilang COC isip pamatuod nga nasulod kini sa alas singko sa hapon.
Ang pamahayag ni Atty. Geraldine Samson, ang Asst. Regional Director sa ug spokesperson sa COMELEC-Carga.
