BUTUAN CITY – Gipaniguro sa Commission on Elections (COMELEC) ngadto sa publiko nga 100% na kining andam alang sa 2025 National and Local Midterm election karong Mayo 12.
Sumala sa ahensya nga nakadeploy na sa tibook nasod ang anaa sa 94-mil nga mga Automated Counting Machines (ACMs) diin duna matud pa kini 16-mil ka mga back-ups nga naka standby inkaso og dunay magkamalfuction nga mga ACM’s.
Sayrang mogamit usab ang COMELEC og 240,000 ka mga SIM cards sa tibuok presinto, diin mohatag og coverage niini ang Smart, Globe, ingon man DITO og network coverage. Dugang niini, anaa usab sa kinatibuk-ang 7,000 ka mga Starlink units ang na-deploy na aron masiguro ang transmission sa mga lugar nga dunay huyang nga signal.
Nakaalaerto na usab ang Philippine National Police (PNP) ingon man Armed Forces of the Philippines (AFP) sa tibook rehiyon. Subay niini duna na usay 160,000 ka mga pulis ug 16,489 ka mga personahe sa AFP ang nakaandam na sa mga polling precinct.
Dugang niini, gipanuguro sa Commission on Elections nga magpadayon ang piniliay bisan kung mag brownout, kini human nakaandam na ang tanang mga ACM’s alang sa maong serkumstansya. Sumala sa ahensya nga duna matud pay lithium batteries ang mga ACM’s nga mamahimong magamit kung mawala ang kurenete. Wala usay angay kabalak-an tungod kay mamahimno matud pa kining molungtad ngadto na sa tulo ka mga adlaw.
Gikan matud pa sa mga rehiyonnga duol sa kaulohang MAynila ngadto na sa mga pinaka lagyong rehiyon, 100% matud pang napahigayonna ang mga final testing and sealing sa mga ACM’s, diin duna na usab matud pay mga naka set-up nga mga technical hubs alang sa trouble shooting.
Pag-angkon sa COMELEC, mamahimo gihapon matud pang dunay motumaw nga mga isyu panahon sa election, apan andam na matud pa ang ilahang ahenysa sa maong mga kakulian pinaagi sa ilahang mga managlahing counter measures.
