BUTUAN CITY – Gipatuman na sa Center for Health and Development kon CHD-Caraga ang Code White Alert ngadto sa tanang mga ospital ug uban pang mga health facilities ning rehiyon.
Kini subay na sa pag-obserba sa kalag-kalag ingon man sa nagsingabot nga panahon sa Pasko rason nga mulungtad pa kini hangtud sa Disyembre 31 ning tuiga.
Tungod niini, gibutyag ni Rommelyn Torralba, tigpamaba sa maong ahensya, ilawom niini nga alert status, kinahanglan nga ang tanang mga health facilities andam kanunay sa ilang mga resources ilabina sa mga tawong mag-man sa mga health facilities aron duna’y mu-atiman sa mga tawo panahon sa emerhensyang panghitabo.
Samtang subay sa pag-obserba usab sa kalag-kalag, aktibo na sugod kaganinang alas-sais sa buntag na sa alas-sais sa gabii ang ilang Operation Center ingon sa susamang mga oras sa adlaw’ng Sabado.
Nakig-alayon na usab sila sa mga local government units uban sa mga human resource personnel sa ilang ahensya aron duna’y ma-augment higayong manginahanglan pa og laing manpower diha sa mga sam–ang.
Kini gawas pa sa ilang naka-standby mga medical team og ilang mga provincial DOH offices.
