BUTUAN CITY – Sa maka-usa pa, gipruwebahan sa Bombo Radyo Philippines ang pagpanguna niini sa broadcasting human nasakmit ang tulo ka mga major awards gawas pa sa duha ka mga special citations atol sa pre-announcement sa 47th Catholic Mass Media Awards (CMMA), kansa sibling nagpalig-on sa commitment sa network ngadto sa kamatu-uran, pagka-responsible, ingon man community-oriented journalism.
Nanguna sa maong kada-ugan ang programang Bombo Network News, nga maoy napiling Best News Program sa ikaduhang sunod-sunod nga tuig — usa ka back-to-back nga pag-ila alang sa flagship newscast sa network.
Ang uban pang programa sa network nga midaog, ang Bombo Special Report, nga napiling Best Business News Feature samtang ang programang Pinoy Memories sa Star FM Iloilo, maoy nakadaog isip Best Entertainment Program award.
Nakadawat usab ang Bombo Radyo Philippines og special citations alang sa counseling program ang Star FM Manila ug ang Bombo Lifestyle nga maoy napiling Best Public Service Program. Anaa usab ang Istoryang Pasada: Takbo program sa Star FM Manila isip Best Counseling Program .
Ang ika-47 nga Catholic Mass Media Awards karong tuiga makahuluganon kaayo alang sa Bombo Radyo Philippines tungod kay kini kwalipikado sa tanang siyam ka mga kategorya sa sa radyo, kansa nagpamatuod sa lig-on nga presensya sa network sa mga balita, public affairs, ug entertainment programming.
Ang ubang finalists sa Bombo Radyo naglakip sa: Bombo News and Views Morning Edition (Bombo Radyo Cebu); Best News Program, Bombohanay sa Udto (Bombo Radyo Cebu) – Best News Commentary Program; Bombo Special Report (Bombo Radyo Philippines) ug The Seven Last Words (Bombo Radyo Cauayan) – Best Educational Program, It’s All for You in the Morning (Star FM Bacolod) – Best Entertainment Program, Good Morning Philippines (Bombo Radyo Iloilo), Bombohanay Ed Ugto (Bombo Radyo Dagupan), and It’s All for You in the Morning (Star FM Dagupan) – Best News Feature, Sarming Ti Biag (Bombo Radyo Cauayan) – Best Drama Program.
Gimugna niadtong tuig 1978 ni anhing Arsobispo Jaime Cardinal Sin, ang Catholic Mass Media Awards nagpasidungog sa mga indibidwal ug institusyon nga naggamit sa media sa pagpasibaw sa kamatuoran, pagtuboy sa tawhanong dignidad, ug pagdasig sa sosyal nga responsibilidad nga nahiuyon sa mga pagtulun-an sa Simbahan.
Gipahinungod sa Bombo Radyo Philippines kini nga mga pasidungog sa among mga matinud-anon nga tigpaminaw ug mga tumatan-aw sa Pilipinas ug sa gawas sa nasud, kansa padayon nga misalig ug suporta sa among 32 ka hingpit nga digitalized nga mga estasyon sa paghatud sa kasaligan nga mga balita, makahuluganon nga serbisyo publiko, ug makapadasig nga mga programa nga naghatag gahum sa mga komunidad.
Usa ka pasalig ug inspirasyon alang kanamo nga mobuhat ug mas dagkong mga butang sa programming ug serbisyo publiko.
