BUTUAN CITY – Pabilin ang kalamposan sa Cleveland Cavaliers sa regular season human niini gipildi ang Golden State Warriors sa iskor nga 136 – 117. Tungod niini, gihawiran pa sa Cavs karon ang 10 – 0 win/loss record. Sayrang ang Cavs lamang ang team sa NBA nga nakabulsa sa maong rekord sukad nga nahimo kini sa Warriors niadtong 2015-2016 season.
Daw nagpista ang Cavs ang dihang gitambakan niini ang Warriors og 39 puntos sa hinapus sa 1st half sa dula.
Giougos pa sa Warriors nga mobumangon sa 3rd quarter ug nagpaulan og 41 puntos kontra sa 29 points sa Cavs. apan sdako gihapon ang lamanag sa Cavs, rason nga wala na kini naapas pa sa Warriors.
Subling nagpakita og maayong opensa ang Cavs pinaagi sa 27 puntos ni Darius Garland, 23 kang Evan Mobley, ug 20 puntos sa bench ug kanhi Warriors player nga si Ty Jerome.
Alayon niini, wala na nasalbar ni Steph Curry ang iyahang kuponan human nalimitahan ang puntos niini sa 12 samtang 3 puntos lamang usab ang nahimo ni Buddy Hield. Kini na usab ang ikawduhang kapildihan sa Warriors niiini nga seaso, samtang dun na usab kini 7 ka mga kadaugan.
