BUTUAN CITY – Gibabagan sa Malaysia ang gisubmite sa Pilipinas ngadto sa United Nations alang sa pormal nga pag-ila sa gilapdon sa continental shelf sa atong nasud sa gi-ilugang kadagatan sa West Philippine Sea.
Sa note verbale nga gipadala sa Malaysia ngadto kang United Nations Secretary General Antonio Guterres, gibutyag niining gikan sa gibana-banang baseline sa disputed state sa Sabah ang continental margin sa Pilipinas.
Samtang gibutyag usab sa Malaysian Permanent Mission to the United Nations nga wala sukad nila gi-ila ang claim sa Pilipinas sa Sabah rason nga ilang gi-awhag ang UN Commission on the Limits of the Continental Shelf nga dili susihon ug dili ilhon ang partial submission sa Pilipinas.
Kini tungod kay klaro matud pang gibalewala sa Pilipinas ang dili malilong nilang sobereniya sa Sabah kansa importanteng parte sa ilang nasud ug gi-ila sa United Nations ingon man sa international community.
