BUTUAN CITY- Hangtod karung panahona, padayong gi-awhag sa buhatan sa City Veterinary office ang pag disinfect sa mga tangkal sa kaugalingong binuhing baboy adesir musulod sa maong lugar.
Kini human nga napadayon pa ang gihimong blood testing ug srveillance sa nasangpit nga buhatan sa mga binuhing baboy sa mga kabaranggayan ning syudad aron masiguro kung aduna pa ba’y mga hayop nga nagpositibo sa African Swine Fever kon ASF.
Gani ning miaging adlaw, gitigom sa ahensya ang tanang nanag-iya og mga baboy nga nasulod sa 500 meters radius gikan sa nagpositibo nga mga baboy sa lugar aron mapasabot ang mga angay nga masayran sa takna nga duna sila’y mamatikdan sa ilang mga baboy.
Sa karun muabot sa 31 ka mga baboy ang na depot sa buhatan kauban ang ahensya sa Brgy Bon-bon ning syudad.
