BUTUAN CITY-Gipahugtan ni Mayor Law Fortun ang inter-agency coordination aron mas mapalambo ang kaandam sa Dakbayan sa Butuan sa pag-atubang sa mga kalamidad ug emerhensiya, atol sa gipahigayon nga Incident Management Team (IMT) Meeting.
Sa maong panagtigom, gihisgutan ang daghang estratehiya sama sa pagpaayo sa early warning ug evacuation systems, pagpalig-on sa community preparedness pinaagi sa mga training ug simulation exercises, ug ang pagpahigayon sa mga proyekto nga magpalig-on sa kapasidad sa dakbayan batok sa kalamidad.
Gisentro usab ang diskusyon sa pagtinabangay sa tanang ahensya aron masiguro ang hapsay nga koordinasyon ug dali nga pagresponde sa panahon sa emerhensiya.
Gipunting ni Mayor Fortun nga ang kaluwasan ug kahimsog sa mga Butuanon mao ang labing importante, busa kinahanglan nga magpadayon ang proactive action ug pakig-alayon sa lokal ug nasyonal nga mga ahensya.
Ang City Government of Butuan naglatid sa plano nga magpatuman og dugang nga disaster-resilient infrastructure projects, lakip na ang pagpalig-on sa drainage systems, pagbutang og mas daghang evacuation centers, ug pagpalambo sa communication networks aron mas paspas ang pag-abot sa impormasyon sa katawhan.
Gisuportahan usab ang mga inisyatibo sa barangay level aron mas lig-on ang community-based disaster risk reduction programs.
