BUTUAN CITY – Gipasi-atab ni Criminal Investigation and Detection Group kon CIDG chief PMGen Nicolas Torre III nga gibaharan matud pa siya ni kanhi Pangulong Rodrigo Duterte dihang iyang gi-serve ang arrest warrant apil na dihang gipasakay kini sa eroplano padulong sa The Hague, Netherlands.
Gibaharan matud pa siya sa kanhi pangulo nga gukdon sa iyang mga anak adiser ug human sa iyang pagretiro sa Philippine National Police kon PNP.
Gibutyag pa ni Torre nga gawas sa verbal abuse, nakadawat usab siya og physical abuse dihang giwakli siya og kusog sa asawa sa kanhi pangulo nga si Honeylet Avanceña dihang nagsugat sila sa hallug gibalikas pa sa anak niining si Kitty dayong butyag nga dawat niya kini tungod kay kabahin matud pa kini sa iyang gipanumpaang trabaho.
