BUTUAN CITY – Prayuridad karon ni Criminal Investigation and Detection Group (CIDG) Chief Brig. Gen. Nicolas Torre III ang paggukod sa mga pinangita sa balaud apil na niini si kanhi presidential spokesperson Harry Roque nga duna’y arrest order gikan sa House of Representatives tungod sa wala pakigkooperar sa imbestigasyon sa mga magbabalaud kalabot sa Philippine Offshore Gaming Operations kon POGOs.
Anaa pa si kanhi Bureau of Correction kon BuCor chief Gerald Bantag nga nag-atubang og kasong pagpatay sa broadcaster nga si Percy Lapid.
Bisan og gihulat pa niya ang kamanduan ni Philippine National Police (PNP) chief Gen. Rommel Francisco Marbil sa pag-aresto kang Roque, gipaniguro na ni Torre ang ilang ka-andam sa paggukod sa mga pinangita nga opisyal sa gobyerno ug sa mga wanted persons bisan og mutago pa sila ilalom sa yuta sama sa ilang gihimo kang Kingdom of Jesus Christ leader Apollo Quiboloy.
