BUTUAN CITY – Gidugok sa bagang duot sa katawhan ang Christmas light-up ceremony sa Agusan Del Norte Capitol kagabii.
Nahingangha ang mga misaksi sa kanindot sa mga Christmas lights and decors kondiin istriktong gibawal ang pagdala og mga ha-it nga hinagiban samtang pasigaon lang kini sugod sa alas 6:00 ngadto sa alas 10:00 sa gabii.
Gipangunahan ang seremonya ni Governor Ma. Angelica Rosedell Amante kinsa nag-aghat sa tanan nga huptan ang diwa sa Pasko pinaagi sa pagka-manggihatagon.
Sumala pa ni Governor Amante, bisan og lisud karun ang panahon, apan dili malilong nga duna gihapon kita’y kapasidad nga mopa-ambit ngadto sa uban ilabina sa mas nanginahanglan.
Gibutyag niining ang gihimong light up magsilbing simbolo sa hayag nga pasko ug ipa-ambit unta ang maong kahayag ngadto sa usa’g usa. Gidasig usab niya ang pagpa-ambit sa kahayag dili lang panahon sa pasko kondili sa tanang mga adlaw.
