BUTUAN CITY – Hugot nga gisupak sa Commission on Human Rights kon CHR-Caraga ang tinguha ni Pangulong Rodrigo Duterte nga ibalik ang pagpahamtang og death penalty ngadto sa mga makonbikto sa kasong plunder og sa mga drug-related crimes.
Sa eksklusibong pakighinabi sa Bombo Radyo Butuan, gibutyag ni Atty. Euvic Ferrer – attorney IV og membro sa Protection and Monitoring Division sa CHR-Caraga, andam silang makig-istorya sa mga magbabalaud og kang Pangulong Duterte aron lang ipasabot nga dili kini ang epektibong paagi aron makunhuran ang mga kreming duna’y kalambigitan sa gihingusgan sa pangulo.
Iyang giklaro nga alang sa ilang ahensya, ang mga kalapasan sa balaud nga nakumitar sa usa ka indibidwal, kinahanglang tubagon pinaagi sa silot nga dili magtaya sa iyang kinabuhi.
