Pipila ka trade deals, nasabutan atol sa pagbisita ni British PM Keir Starmer sa China

BUTUAN CITY – Pipila ka mga kasabutan ang nahisgutan atol sa pagbisita ni British Prime Minister Keir Starmer sa China kondiin personal siyang nakigkita kang Chinese President Xi Jinping.

Usa sa ilang mga nasabutan ang pagtugot sa mga British citizens nga makabiyahe sa China sulod sa 30 ka adlaw nga walay visa.

Anaa pa ang pagkunhod sa buhis sa mga whisky gikan sa United Kingdom gikan sa na-unang 10 porsyento nga mahimo na lamang og 5-porsyento.

Tumong sa British government nga mapalig-on ang ilang economic ties sa China.

Nasayrang si Starmer mao ang unang British leader nga mibisita sa China sulod na sa walo ka tuig.