BUTUAN CITY – Narekober sa usa ka grupo sa mga mangingisda sa kadagatan nga sakop sa Puerto Princesa sa Palawan ang gitu-uhang rocket debris nga gilusad sa China niadtong Enero 19.
Sa video nga gipa-ambit ni City Councilor Elgin Robert Damasco karong Sabado, Enero 31, gipadayag sa opisyal nga nadiskubre sa mga mangingisda ang maong mga tipaka sa gilay-on nga walo 8-nautical miles sa sidlakan sa Puerto Princesa City samtang sila nangisda.
Gibira gilayon sa mga mangingisda ang rocket debris padulong sa fishport sa siyudad duol sa Puerto Princesa Baywalk.
Sumala sa mga mangingisda, anaa na sila sa dagat dihang gilunad sa China ang rocket, ug ilang nakita nga nahulog ang debris sa gibana-bana nga 3-nautical miles gikan sa ilang lokasyon.
Giturn-over na ang narekober nga rocket debris ngadto sa Coast Guard ug Philippine National Police alang sa hustong disposisyon.
