BUTUAN CITY – Gituohan ni Engineer Dioric Gavino, Secretary General sa Sara All Movement nga excuse lang ang gihimo sa mga senador bahin sa lihok sa embahada sa China nga ilang gikondena aron tabunan ang korapsyon.
Iya usab gipasabot nga bisan pa sa padayon nga pagkondena sa mga senador, wala gihapon gibuhat ang nasud bahin sa isyu sa 9-dash line sa West Philippine Sea, nga matod pa niya, usa ka open water.
Sumala pa ni Gavino, dili angayang kondenahon ang China sama sa gibuhat ni Senadora Risa Hontiveros, tungod kay wala matud pa kini nanghilabot sa nasud.
Matod pa niini, kinahanglan nga maghimo og diplomatic talks aron mas masulbad ang bangi ug dili angay maghinilas tungod kay gamhanan ang China kumpara sa Pilipinas nga napuno sa korapsyon.
Samtang gitawag usab ni Gavino nga “epal” ang mga tawo nga mikondena sa Chinese Embassy nga ubos matud pa sa administrasyong Marcos.
Giklaro ni Gavino nga dili tumong sa Duterte Bloc ang pakig-away tungod kay wala man kini gamit panggubat ug apektado usab ang Chinese community sa padayon nga pagsaway sa mga senador.
Kabahin sa impeachment ni Vice President Sara Duterte, paminaw ni Gavino, preparado na ang bise presidente ug andam na sa iduso nga impeachment karong umaabot nga Pebrero batok kaniya.
