BUTUAN CITY – Na-uso na sa tibuok kalibutan ang pagkabot og nga tunnels aron himuong agi-anan sa mga sakyanan apan lahi ang pilosopiya sa Lu’an Expressway tungod kay ilang gipanghiwa ang kabukiran sa Guizhou Province aron lang makahimo og highway.
Ang maong expressway, nagsubay sa kabukiran sa Guizhou padulong sa Huajiang Grand Canyon Bridge nga nag-viral karon tungod sa makabilib nga abilidad sa mga naghimo niini kansa pinasahi kumpara sa ubang kadalanan.
Inay nga magkabot sa tag-as nga mga bukid, nagdesisyon ang mga Chinese engineers nga hiwaon ang parte sa kabukiran aron lang mahatagan og dalan ang Guizhou Lu’an Expressway.
Nasayrang 92% sa Guizhou Province, duna’y mga bukid ug mga pangpang, rason nga nindot kaayo kining venue sa mga magpa-picture, apan delikado alang sa mga commuters.
Sigon sa mga planners, wala sila’y laing choice kondili ang pag-slice sa mga mountain peaks aron mabuhatan kini og dalan kansa alang sa kadaghanan, duna pa unta’y laing dili kaayo extreme options ang available.
