BUTUAN CITY – Naghimo og military exercise ang People’s Liberation Army Navy (PLAN) of China sa Escoda, kon Sabina Shoal sa West Philippine Sea atul sa gihimo usab nga marine scientific survey sa Philippine Coast Guard (PCG).
Pagbutyag ni PCG spokesperson for WPS Commodore Jay Tarriela nga kalit na lamang nga naghimo og military exercises ang maong nasod taliwala sa gihimong marine scientific survey sa Philippine Coast Guard (PCG) nga gihimo niadtung niadtung Hunyo 3-4.
Sayasy sa opisyal nga kalit na lamang ning kontact kanila ang PLA Navy 987, ug nagpahibalo nga maghimo matud pa sila og amphibious drill kon operation.
Una niini, nagpahibalo na ang maong troopa sa BRP Teresa Magbanua nga gideploy na nila ang ilahang hovercraft.
Dugang sa maong opisyal nga anghimo matud pa og mga maneuvers ang China Military human kini nagdeploy sa ilahang hovercraft ingon man aircraft.
Pagbutyag ni Trinidad nga namonitor sa PCG ang tanang lihok sa nahisgutang troopa.
Atul sa maong marine scientific survey sa PCG, nasigpatan niini ang unom ka mga PLAN vessels, upat ka China Coast Guard ships, isa ka Chinese research vessel, ingon man siyam ka Chinese maritime militia vessels.
