BUTUAN CITY-Subli na usab nga nagpagawas ang China og bag-ong rebelasyon niini kalabot sa Panatag Shoal, sumala sa tigpamaba sa Chinese Embassy sa China nga nakabase sa Manila, gipalutaw niining duna matud pay temporary special agreement ang Pilipinas ingon man ang China niadtung 2016.
Ang maong pamahayag, gipagawas sa maong embahada human nga gi water cannon sa Chinese Coast Guard ang mga barko sa Philippine Coast Guard ning nakalabayng adlaw.
Sumala sa nasangpit nga opisyal nga ilalum matud pa sa maong kasabutan, dili matud pa mamahimong molapas sa 12 nautical miles sa tubig o kaha sa Air Space sa Panatag Shoal ang Armed Forces of the Philippines, Philippine Coast Guard ug uban pang mga barko sa Pilipinas.
Dugang niini nga base sa maong kasabutan, pwede ra nga mangisda ang mga Pilipino nga dunay gagmayng bangka sa designated waters, gawas lamang sa lagoon sa Panatag Shoal.
Sumala sa Chinese Diplomat nga wala may nahimong problema sa nakalabayng 7 ka tuig, pasabot niini nga sulod sa maong mga katuigan, ning sunod man matud pa ang mga Pilipino sa maong kasabutan, ug wala usab nahimo kaniadto nga isyu ang pagpangisda sa mga Pilipino sa designated nga areas gawas sa Panatag Shoal.
Sa pag kutlo ning balita, wala pa nagpagawas og komento ang National Security Council ug si PCG spokesperson for WPS Commodore Jay Tarriela kalabot sa maong rebilasyon.
