BUTUAN CITY – Gipa-ulanan sa Russia og mga missiles ang dakong parte sa Ukraine kansa mao ang pinakadakong missile attack sa Russia ngadto sa Ukraine sulod sa pipila ka mga bulan. Una kining ning-igo sa Ohmatdyt Children’s Hospital sa Kyiv.
Sumala ni city Mayor mayor Vitaliy Klitchsko, duha ang namatay sa maong pagpangatake, lakip na niini ang bag-o pa nga doktor. Pipila usab ka mga missile debris ang ning-igo usab sa medical center sa Dniprovsky district diin gikatahong pito ka mga tawo ang namatay.
Gawas pa kini sa pito ka mga tawong namatay sa Solo-myansky district samtang duna usay 10 sa Kryvyi Rih City ug laing tulo sa Pokrovsk. Gipangunahan sa bag-ong British Prime Minister nga si Keir Starmer ang pagkondena sa pagpamomba sa maong balay-tambalanan.
