BUTUAN CITY – Mas palig-onon karun ang child protection policy sa matag tunghaan nga sakop sa Butuan City Division nonot sa nahitabong pagkamatay sa usa ka bata human nalubaan gamit ang ballpen dinha sa iyang mata.
Kini ang gibutyag ni Emilio Makiling, Disaster Risk Reduction and Management kon DRRM Coordinator Department of Education-Butuan City Division sa pakighinabi njng sibyahan.
Sigon sa opisyal nga gipahimangnoan na ang mga tunghaan nga bisitahon nila ang Child Protection Policy aron masuta kung unsay angayan pang buhaton alang sa kaluwasan og seguridad sa kabataan.
Sumala pa niini nga wala man gayuy magdahom sa mga emerhensiya apan kinahanglan kining pangandaman. Kinahanglan matud pa nga ang tanang gihimo alang gayud sa kaluwasan sa kabataan.
Samtang ugaling dunay makita usab ang ginikanan nga angayang buhaton aron mas ma-ampingan ang mga kabataan kinahanglan usab kini nilang esugyot.
Una nang gibutyag ni Makiling nga hilabihan ang ilang kakurat sa nahitabo diin kini ang pinaka-una sa Divison sa Butuan City nga dunay nakabsan sa kinabuhi.
