BUTUAN CITY – Nadugangan ang medalyang nasakmit sa chess team sa Agusan del Norte sa nagpadayong Batang Pinoy 2024 nga gipahigayon sa Puerto Princesa City sa Palawan.
Sigon ni team leader Lito Gulay, sa pagkakaron, nakahakot na sila og duha ka gold, unom ka silver ug upat ka bronze medals nga gila-umang madugangan pa usab tungod sa duha ka nila ka mga chess players sa ASEAN rapid chess category kansa duna’y oras nga 10-minutos ug 5-segundos nga apil sa duha ka mga chess players nga wala pay pildi.
Samtang ang Butuan City, nakakuha og gold medal kagahapon sa mix category 960 individual event. Ang koponan sa Agusan del Sur, nakakuha usab og tag-usa ka gold ug bronze medal.
Ang pagpanganaw-kanaw matud pa sa chess team sa Caraga Region inanay nga nagpa-ila sa ilang abilidad ilabina nga duna’y ubang koponan nga wala pa’y nakuhang medalya sama sa Tanawan City.
