BUTUAN CITY – Tinguha sa Commission on Human Rights pag-estalisar sa Center for Human Rights Education kon CHRE dinhi sa Caraga Region ang pagsiguro nga adiser mu-graduate ang mga estudyante, duna na sila’y igong kahibalo kalabot sa pagrespeto sa tawhanong katungod.
Gipasabot kini ni Edson Alejo sa Commission on Human Rights-Caraga human gipirmahan ang Memorandum of Agreement tali nila Caraga State University President Dr. Rolyn Daguil ug Commission on Human Rights (CHR) Commissioner Beda Epres.
Sa eksklusibong pakighinabi ning sibyahan, gibutyag ni Alejo nga tumong sa pag-establisar sa maong center nga mag-operate ilawom sa Caraga Center for Peace and Development (CCPD) sa maong unibersidad nga masiguro ang pag- integrate sa mga prinsipyo sa human rights ngadto sa educational frameworks subay sa nakalatid sa MOA.
Kini aron usab mapalapdan ug masabtan sa mga estudyante ang tawhanong katungod sa ingon ma-amoma ang kultura sa kalinaw.
Mahimo matud pa kining matudlo sa mga magtutungha diha sa instruction sa curriculum sa ilang mga subjects o kaha sa kurso.
Mahimo usab kining ma-integrate sa mga activities sa ka-estudyantehan o kaha diha sa extension program sa mga tunghaan research and development ug uban pa.
