BUTUAN CITY – Aprubado na sa kagamhanan sa Israel ang bag-ong Gaza ceasefire ug hostage release deal tali sa Hamas, kansa naghatag og dalan aron mu-epekto na kini ugmang adlawa, Dominggo. Nadesisyunan kini sa mga membro sa gabinete human ang pila ka oras nga panaghisgot nga mi-abot pa sa lawom nga kagabhi-on kondiin duha ka mga far-right ministers ang mibotar supak niini.
Sigon sa buhatan ni Prime Minister Benjamin Netanyahu, una nang girekomenda sa security cabinet ang pag-ratify sa kasabutan tungod kay nagsuporta kini sa kalampusan sa mga tinguha sa giyera. Nakab-ot ang maong desisyon pila ka oras, human gibutyag sa buhatan sa primero ministro ug sa Hamas nga ila nang napinalisar ang mga detalye sa kasabutan, duha ka adlaw human kini gi-anunsyo sa mga mediators nga gilangkuban sa Qatar, Estados Unidos ug Egypt.
Ilalom sa kasabutan, 33 ka mga Israeli hostages nga gikuptan pa sa Hamas didto sa Gaza human ang 15 ka buwan nga giyera, ang ibaylo alang sa gatusang mga Palestinong piniriso nga atua sa mga prisuhan sa Israeli atol sa unang hugna sa panagsabot. I-atras usab sa Israeli forces ang ilang pwersa gikan sa mga populated areas sa Gaza, samtang ang nadislokar nga mga Palestino, tugutang manguli sa ilang pinuy-anan ug gatusang nga sakyanang puno sa ayuda ang pasudlon na sa teritoryo kada-adlaw.
Samtang ang ikaduhang hugna sa negosasyon, nga mao ang gila-umang pagpa-uli na sa mga nahabiling hostages ug hingpit nang pag-atras sa kinatibuk-ang Israeli troops, apil na ang pagpabalik sa kalmadong Gaza, sugdan sa ika-16 nga adlaw sugod ugmang adlawa.
Samtang ang ikatulo ug final stage maglambigit na sa reconstruction sa Gaza – nga gila-umang mulungtad og pipila ka mga tuig apil na ang pag-uli sa patay’ng lawas sa ubang mga hostages
